آغدارماق agdarmak
/ 0
- مشخصات
- مجموعه: سؤزلوک
- منتشر شده در چهارشنبه, 16 مرداد 1392 21:41
- تعداد بازدید: 812
آغدارماقa:gdarmak – 1.بیرینی یا-دا بیر زادیٛ بیر طَرَفیٛندان ایکینجی بیر طَرَفیٛنا یا-دا قاپدالیٛنا اؤوۆرمِک. چاغانیٛ ایکی یانیٛنا ییٛغیٛ-ییٛغیٛدان آغدارماق گِرِک. 2. ییٛقماق، دۆشۆرمِک. اوْل مِنی آرقاسیٛندان آغدارماغا جان اِدیپ، بیرسیٛخلیٛ اوُروُنیاردیٛ (م. گوْرکی، اِنه). بِگِنچ، آنّاق ماشیٛنیٛ آغدارار اؤیدیأردی (ب. کِربابا، آی‌سُلطان). 3. حأکمیِّت باشلیٛغیٛنیٛ، جمعیّتچیلیک قوُرلوُشیٛنیٛ اۆیتگِتمِک، اؤنگکی جمعیّتچیلیک دۆزگۆنینی یوْق اِدیپ، تأزه جمعیّتچیلیک دۆزگۆنی قوُرماق. بوُ، آق پاتیٛشانیٛ هِم آغداریٛپ گِلِن آدَم آخِریٛ!(ب. کِربابا، آیغیٛتلیٛ أدیم) 4. ایٛزیٛنا قایتاریٛپ قوُیماق. پؤکگِن اؤنگۆنده قوْیلان چاییٛنیٛ کأسأ قوُیوُپ، بیر-ایکی ساپار آغداردیٛ (آ. قوْوشوُت، کؤپِت‌داغیٛنگ اِتِگینده). ایکینجی کأسأنی چأینِگه آغداردیٛم-دا -سیز کیم بوْلارسیٛنگیٛز- دیییپ سوْرادیٛم ("توْقماق” ژوُرنالیٛ).5. یِر سۆرمِک، یِر دِپمِک. یِر-سوُودان پای آلان غاریٛپ یوْقسوُللار، آغداریٛنگ، دؤندِرینگ، یِر-سوُو سیزینگکی (مُلّاموُرت، سایلانان اثرلِر).پوْلات آتلیٛ، یِر آغداریار تارتارلاپ (ن. پوْمما، سایلانان اثرلِر).6. آچیٛپ گؤزدِن گِچیرمِک، ایٛزلیٛ-ایٛزیٛنا (صَحیٛپالاریٛنیٛ) آچماق. کِتابیٛ آچیٛپ، بیر نأچه صَحیٛپالاریٛنیٛ آغداردیٛ (آ. قوْوشوُت، مَهری-وِپا). بایرام بوُ صَحیٛپانیٛ سوْنگوُنا چِنلی اوْقامان، یِنه بیر نأچه صَحیٛپانیٛ آغداردیٛ (ن. جوُما، آق دِرِک).7. آشاغیٛنیٛ یۆزۆنه چیٛقارماق، قارماق. مأهنِت قازانداقیٛ پالاویٛ آشباز کِپجه بیلِن آغداردیٛ (ب. کِربابا، آیغیٛتلیٛ أدیم). کِپگیر بیلِن پالاویٛ آغداریٛپ، قازانیٛنگ آغزیٛنیٛ یاپدیٛ.◊گؤزۆنگی آغداریٛپ یاتماق- gözüňi agdaryp ýatmakسِر. گؤز.