آغیز agyz
- مشخصات
- مجموعه: سؤزلوک
- منتشر شده در دوشنبه, 21 مرداد 1392 15:45
- تعداد بازدید: 941
آغیٛزagyz - 1.آشاقیٛ و یوْقاریٛ أنگ آرالیٛغیٛنداقیٛ دیل، دیش یِرلِشیأن بوْشلوُق. آغزیٛمدا یِکهجه دیش قالمادیٛ. 2. ایکی دوْداغیٛنگ اوُزیٛنلیٛق آرالیٛغیٛ و گؤرنۆشی. آرمان، اوْل قیزیٛنگ آغزیٛ اوُللاقان. 3. گیرِلگه، بیر زادیٛنگ قاپیٛسیٛ. مِدِنی دیٛنچ سِییل باغیٛنیٛنگ آغزیٛ.4. قاپ-قاچلاریٛنگ ایچینه زات قوُیوُلیان یِری، بوْقوُرداق. چوُوالیٛنگ آغزیٛنیٛ بوْغماق. 5. کؤمِکچی سؤز روْلوُندا - بیز سِییل باغیٛنیٛنگ آغزیٛندا دوُشوُشدیٛق. ◊ آغزا آلار یالیٛ دأل agza alar ýaly däl - 1) هاپا، سؤگۆنچ، پاییٛش سؤز. اوْنوُنگ آیدانلاریٛنیٛ آغزا آلار یالیٛ دأل؛ 2) باریٛپ یاتان آجیٛ، یاراماز طاغاملیٛ. آغزا آنگقارماقagza aňkarmak - گِنگ قالماق. بۆتین اوْبا اوْنوُنگ آغزیٛنا آنگقاردیٛ. آغزا باقماقagza bakmak- سِر. آغزا قاراماق. اوْل ایشگأرلِرینگ همّهسینی آغزیٛنا باقدیٛردیٛ. آغزا قاراماقagza garamak -بیرینینگ دییِنی بوْیوُنچا حرکت اِتمِک، بیرینینگ دییِنیندِن چیٛقمازلیٛق. اِنِم-ده، آتام-دا آغزیٛنا قاراپ اوْتیٛر . مۆنگلأپ آدَم اوْنوُنگ آغزیٛنا قارایاردیٛ، اوْل-دا شوْنوُنگ مِیلینه گؤرأ حرکت اِدیأردی ("سوْوِت اِدِبیاتیٛ” ژوُرنالیٛ). ماریٛ یاشاوُلوُلاریٛ نیازبِگینگ آغزیٛنا قارادیٛلار (ب. کِربابا، آیغیٛتلیٛ أدیم). آغزا گِلِنینی اوْتلاماقagza gelenini otlamak - نأمه دیییأنینگی سِلجِرمأن گۆررۆنگ اِتمِک، یانگراماق، ساماخیٛللاماق. آغزا گِلِنینی اوْتلاپ یؤرسِنگ، سنینگ آبراییٛنگ بوْلماز. آغزا گِلِنینی اوْتارماقagza gelenini otarmak - سِر. آغزا گِلِنینی اوْتلاماق. آغزا گِلِنینی اوُرماق agza gelenini- سِر. آغزا گِلِنینی اوْتلاماق. به، شِیله دییسِنه، بیز اوْنوُنگ یانیٛندا هر هایسیٛمیٛز بیر زات دیییپ، آغزیٛمیٛزا گِلِنینِم-أ اوُردوُق (آ. قوْوشوُت، کؤپِتداغیٛنگ اِتِگینده).آغزا دۆشمِک agza düşmek- بیرینینگ اِربِتلیگی حَقدا ایل آراسیٛندا گۆررۆنگ یایراماق، آبراییٛ قاچماق. آغزا اؤیکۆنمِکagza öýkünmek -بیرینینگ آیدان سؤزلِرینه گؤونۆیِتمِزچیلیک اِتمِک، بیرینینگ سؤزلِرینی یوْیوُپ آیتماق، بیرینینگ دییِنینی قایتالاماق. آغزا اؤت (زأک) آتیٛلان یالیٛ بوْلماقagza öt (zäk) atylan ýaly bolmak -گؤدِک، یاراماز سؤز اِشیتمِک. آغزیٛ آشا یِتمِکagzy aşa ýetmek - اوْنگات یاشاپ باشلاماق، مأتأچلیکدِن چیٛقماق. آتانگ پاخیٛریٛنگ یاشلیٛغیٛ بیر کؤنه گۆپبینینگ ایچینده گِچدی. آغزیٛ یانگیٛ آشا یِتِنده بوْلسا، بیزی یِکه قوْیوُپ گیتدی. اِمّا وِلی آغزیٛ یانگیٛ آشا یِتِن غَریب ییگیت حأضیرکی قانات بِکلأن آرزوُولاریٛنیٛنگ اؤنگۆنده کؤپ بوْلوُپدیٛ (سوْوِت اِدِبیاتیٛ” ژوُرنالیٛ).آغزیٛ بیمازاagzy bimaza- آش سایلایان، گؤورهلی. آغزیٛ بیشمِکagzy bişmek- بیر ایش اِدیپ چۆرکِنمِک، کؤسِنمِک، بیر زاتدان آلدانماق. تاپان گۆررۆنگینینگ هِم ایچینینگ توُتاریٛغیٛ بوْلمانسوْنگ آلمادیٛ. چۆنکی ایچی توُتاریٛقسیٛز گۆررۆنگدِن بیر نأچه گِزِک آغزیٛ بیشیپدی (آ. دوُردیٛ، سایلانان اثرلِر). سۆیتده آغزیٛ بیشِن، سوُویٛ اۆفلأپ ایچِر (ناقیٛل). آغزیٛ بوْشagzy boş- ایچینده گِپ یاتمایان، بیدِرِک گۆررۆنگ اِدیأن، یانگرا. اؤزۆنگ هِم اِشیدیأنگ کؤپِلیأر میٛش-میٛش، قالیٛنگ آغزیٛ بوْشلار "یِتمِزی بارمیٛش"("سوْوِت اِدِبیاتیٛ” ژوُرنالیٛ)،آغزیٛ قوْوشاقagzy gowşak- آغزیٛ آچیٛق، اؤزۆنی اوْنگارمایان، پؤوخه. آغزیٛ قوُم قارباماقagzy gum garbamak- بات بیلِن یۆزین ییٛقیٛلماق. آغزیٛ دِک دوُرمازلیٛق agzy dek durmazlyk – 1)حألی- شیندی ایییپ دوُرماقلیٛق، اییِرمِنلیک. اوْنوُنگ آغزیٛ دِک دوُرانوْق، حألی-شیندی گأوۆشأپ یؤر؛ 2) یانگرالیٛق، لاقغیٛلیٛق. اوْل گۆررۆنگه باشلادیٛمیٛ، اوْنسوْنگ اوْنوُنگ دِک دوُرماز. آغزیٛ یِللیagzy ýelli -بیر گۆررۆنگی، واقانیٛ بوْلشوُندان بِتِر چیشیریپ، اوُلالدیٛپ، یالان-یاشریٛق قوْشوُپ آیدیان. آغزیٛ جأهِکسیز agzy jäheksiz-کؤپ گِپلهیأن، یانگرا. آغزیٛ ییٛغماق agzy ýygmak- دیل یِتیرمِکدِن ساقلانماق، بیر زات دوْغروُدا گِپلِمِزلیک. ایل آغزیٛن ییٛغیٛپ بوْلماز، چِلِک آغزیٛن - بوْغوُپ (ناقیٛل). آغزیٛ موُملیٛ یالیٛ agzy mumly ýaly- گِپلِمِزِک، گۆرلِمِزِک. اِدیل آغزیٛنگیٛز موُملیٛ یالیٛ دیٛمیٛشیٛپ اوْتوُریارسیٛنگیٛز (آ. قوْوشوُت، پوْوِستلِر و حِکایالار). یوْق، پوْتدیٛ ایکیمیزینگ یانیٛمیٛزدا دیلینینگ کِیپینی نأچه گؤرسه گؤرِر، اِمّاباشغا یِرده اوْل بارادا اوْنوُنگ آغزیٛ موُملیٛ یالیٛدیٛر (ب. کِربابا، آیسُلطان). آغزیٛ پاییٛشagzy paýyş-هاپا، اِربِت سؤز آیدیان. اوْنوُنگ آغزیٛ پاییٛش، چِکینمأنی بیلهنوْق. آغزیٛ تِبسیرهمکagzy tebsiremek -سِر. آغیٛز کِپهمِک. آغزیٛمیٛنگ ایچی زیرک یالیٛ agzymyň içi zirk ýaly- آغزیٛمیٛنگ ایچی توُپ-توُرشیٛ، آغزیٛما زأک آتیٛلان یالیٛ. آغزیٛنا بِکagzyna bek - سیٛر دوُیدوُرمایان، سیٛر ساقلایان، سیٛر بِرمِزِک. اوْل اوْغلان اؤرأن آغزیٛنابِکدیر.آغزیٛنا گِلِنینی دییمِکagzyna gelenini diýmek- اِربِت کأیهمِک، سؤگمِک. اوْل مِرِده آغزیٛنا گِلِنینی دییدی.آغزیٛنا دیٛغیٛ بوْلمازلیٛقagzyna dygy bolmazlyk-سِر. آغزیٛ دِک دوُرمازلیٛق. آغزیٛنا ایت دانگلان یالیٛagzyna it daňlan ýaly- باریٛپ یاتان یانگرا. یِری هوْو، آغزیٛنگا ایت دانگلان یالیٛ اوُولاپ گِلمهسهنه، سِن اوُولاماسانگ هِم همّه کیشی گیتجِگینی بیلیأر ("تۆرکمن پیِسالاریٛ").آغزیٛنا پوُغتا-agzyna pugtaسِر. آغزیٛنا بِک. آغزیٛنا سالیٛپ بِرمِکagzyna salyp bermek- آیتجاق گِپینی آیدیٛپ بِرمِک، اؤورِتمِک. پِسلیکده نَظَریٛنگ هر یازجاق سؤزۆنی آغزیٛنا سالیٛپ بِریپ اوْتوُران حِضرِت آشاقدان هۆمۆردهدی ("سوْوِت اِدِبیاتیٛ” ژوُرنالیٛ).آغزیٛنا سوْغان دوْغرامازلیٛق-agzyna sogan dogramazlykقوُلاق سالمازلیٛق، دییِنینی اِتمِزلیک، بوْیوُن اِگمِزلیک. آغزیٛنا سوُو دامدیٛرماقagzyna suw damdyrmak- بیرینه کؤمِک اِتمِک، حوْرلوُق چِکیأنه یاردام اِتمِک. آغزیٛنا چالماقAgzyna çalmak- اییدیرمِک، نَهارلاماق. آغزیٛندان آقکؤپۆک ساچماقagzyndan ak köpük saçmak-جوْشغوُنلیٛ گۆرلهمک، دۆبلهمک. آغزیٛندان آلماق-agzyndan almak سؤزۆنی بؤلمِک، آیتجاغیٛنیٛ آیتماق، اؤنگۆرتمِک. اوْل گۆررۆنگ اِدیپ اوْتوُرانا یوْل بِرمأن، اوْنوُنگ آیتجاقلاریٛنیٛ آغزیٛندان آلیاردیٛ.آغزیٛندان گِپ آلماقagzyndan gep almak- بیر زات حَقدامَعلومات آلماق اۆچین بیرینی گۆرلِتمِک، گِپلِتمِک. اوْنوُنگ آغزیٛندان گِپ آلماق قیٛن.آغزیٛندان قاقیٛپ آلماقagzyndan kakyp almak- 1) سِر. آغزیٛندان آلماق؛ 2) آیدیٛلیان زاتلاریٛ یِکأن بللهمک، یادیٛنگدا ساقلاماق. اوْل آتاسیٛنیٛنگ هر بیر سؤزۆنی آغزیٛندان قاقیٛپ آلیٛپ، اؤز قلبیٛندا یِرلِشدیریأردی ("سوْوِت اِدِبیاتیٛ” ژوُرنالیٛ).آغیٛزدان سۆیت ایٛسیٛ گیتمهدیکagzyndan süýt ysy gitmedik-کؤپی گؤرمهدیک، اِنتِک بیشیشمهدیک، تِجریبهسیز، یاش. هنیزاونونگ آغزیٛندان امن سۆیدونینگ ایٛسیٛگیتمأندیر (آ. پ. چِخوف. "سایلانان اثرلر").آغزیٛندان گُل ایٛسیٛ گِلمِکagzyndan gül ysy gelmek- مانیٛلیٛ، عَقللیٛ سؤزلهمک. گِپلأنده آغزیٛندان گُل ایٛسیٛ گِلیأر.آغزیٛنیٛ آجاتماقagzyny ajatmak- یاقیٛمسیٛز سؤز آیدیٛپ، بیرینینگ گؤونۆنه دِگمِک، بیرینی قاتیٛ ایٛنجاتماق. واخ، نأحَق یِره اوْنوُنگ آغزیٛنیٛ آجاتدیٛلار.آغزیٛنیٛ ایٛسغاماقagzyny ysgamak- پیکیرینی بیلجِک بوْلوُپ، سوْراپ گؤرمِک، سوْراشدیٛرماق. صاداپ بای تانیٛش-بیلیشدِن، دوْستدان-یاردان گِلینلیک سوْرادیٛ، اوْنوُنگ-موُنوُنگ آغزیٛنیٛ ایٛسغادیٛ. (ب. کِربابا، آیغیٛتلیٛ أدیم).آغزیٛنیٛنگ دییِنینی قوُلاغیٛ اِشیتمزلیکagzynyň diýenini gulagy eşitmezlik- دیییأنینی بیلمِزلیک، جوْغاپکأرسیزلیک بیلِن گۆرلهمکلیک، بوْلغوُسیٛز یانگراماقلیٛق. بیز-أ اوْنسوْنگ بوُ آدَمیٛنگ آغزیٛنیٛنگ آیدانیٛنیٛقوُلاغیٛ اِشیدهنوْق اِکن دیییپ دۆشۆندیک ("توْقماق” ژوُرنالیٛ).آغزیٛنیٛنگ اِیهسی دألagzynyň eýesi däl- سیٛر ساقلاپ بیلمهیأن، یانگرا. سِن اوْنگا بوُ بارادا آیتما، اوْل آغزیٛنیٛنگ اِیهسی دأل آخِریٛ!آغزیٛنگ طاغام تاپماقagzyň tagam tapmak- بیر زاتدان لذّت آلماق، هِزیل اِدینمِک، گؤنِنمِک، بیر زاتدان پِیدا گؤرمِک. سِندِن منینگ آغزیٛم طاغام تاپدیٛ (ب. کِربابا، آیغیٛتلیٛ أدیم).آغزیٛنگا بوُیروُپ بیلمِزلیکagzyňa buýrup bilmezlik-1) اییمهسیز زادیٛ اییمِک، بِرهیز ساقلاپ بیلمِزلیک. سیٛرقاو هیچ آغزیٛنا بوُیروُپ بیلهنوْق؛ 2) دییمهسیز زادیٛ دییمِکلیک، یانگرالیٛق اِتمِکلیک. آغزیٛنگا بوُیوُرماقagzyňa buýurmak- اؤزۆنگه اِرک اِدیپ بیلمِک، بیر زادیٛ آیتماقدان ساقلانماغیٛ باشارماق. آغزیٛنگا سینگِک قوْندوُریٛپ یؤرمِکagzyňa siňek gonduryp ýörmek- یالتالیٛق اِتمِک، اؤزۆنگی اوْنگارمازلیٛق، لِللیم بوْلماق. سنینگ دیییأنینگ شوْل آغزیٛنا سینگِک قوْندوُریٛپ یؤرِنمی؟!آغزیٛنگا سوُو آلان یالیٛ بوْلماق agzyňa suw alan ýaly bolmak- سِسینگی چیٛقارمان اوْتوُرماق، گِپلهمأن دیٛمیٛپ اوْتوُرماق. آغزیٛنگدان آل آلسیٛن!agzyndan al alsyn! - اِربِت، شوُم خَبَر آیدانا یۆزلِنیپ، "بِیله سؤز آیتما، قوْیاوِری" دییِن مانیٛنیٛ بِریأن آنگلاتما. آغزیٛنگیٛ آچما! -agzyňy açma! گِپلهمه، لال بوْل، سِم بوْل!أشهبیبی بارادا بوْلسا آغزیٛنگیٛهِم آچما ("سوْوِت اِدِبیاتیٛ” ژوُرنالیٛ). آغزیٛنگیٛ قوُریٛ چؤپ بیلِن چالماقagzyňy gury çöp bilen çalmak- بار هِم بوْلسا یوْق دیییپ تاقلاپ اوْتوُرماق؛ میٛساپیٛرسیٛراماق. ساریٛ میراپ، سِن آغزیٛنگیٛقوُریٛ چؤپ بیلِن چالماسا-نا! آشیٛر، سِن، خانیٛم، مِسِلِم، آغزیٛنگیٛقوُریٛ چؤپ بیلِن چالیارسیٛنگ (ب. کِربابا، آیغیٛتلیٛ أدیم).آغزیٛنگیٛ ییٛغماق-agzyňy ýygmakدیلینگی ساقلاماق، سؤزلهمهگی، گِپلهمهگی قوْیماق (کؤپلِنچ یِرلیکسیز گۆررۆنگ حَقدا). آغزیٛنگیٛ سالا قوْیبِرمِکagzyňy sala goýbermek- پاییٛش سؤز آیتماق. آغزیٛنگیٛ خَیر آچماقagzyňy haýyr açmak- قوْویٛ آرزوُودا بوْلماق، دِولِتلی گۆررۆنگ اِتمِک، قوْوا یوْروُپ گِپلهمک. سِن یؤنه آغزیٛنگیٛخَیر آچ-دا، آیتجاق سؤزۆنگی بیلیپ گِپله!(ب. کِربابا، آیغیٛتلیٛ أدیم). آغیٛز-آغیٛزدان یِل آلماقagyz-agyzdan ýel almak-گۆررۆنگ یایراماق، ایل آراسیٛنا گۆررۆنگ بوْلماق. "آغیٛز-آغیٛزدان یِل آلار" دییِن یالیٛ، بوُ گۆررۆنگ بۆتین مِکتِبه یایرادیٛ ("سوْوِت اِدِبیاتیٛ” ژوُرنالیٛ). "آغیٛز-آغیٛزدان یِل آلار" دییِن یالیٛ، بوُ واقا بارادا هر کیم هرهیلی گۆررۆنگ اِدیأر (ن. پوْمما، اثرلِر ییٛغیٛندیٛسیٛ).آغیٛز آلارتماقagyz alartmak- بیرینی تِرسلِشدیرمِک، آرالاریٛنا چؤپ آتماق، آرا بوْزماق، آغزیٛبیرلیگی بوْزماق. اوْنوُنگ أهلی ایشی، بۆتین اۆنسی گؤرِنینگ آیاغیٛندان عَرضا یازماق، آغیٛز آلارتماق ("سوْوِت اِدِبیاتیٛ” ژوُرنالیٛ). اوْبانیٛنگ آغزیٛنیٛ آلارتجاق بوْلیان سِردار کؤری اوْبا پیسلهیأر (ن. ساریٛخان، سایلانان اثرلِر).آغیٛز آچماقagyz açmak- 1)حَیران قالماق، گِنگ قالیٛپ آغزیٛنگیٛ اؤوِلتمِک، آنگقارماق. آشیٛریٛنگ شَهری گؤزی دۆشِنده، آغزیٛ آچیٛلدیٛ (ب. کِربابا، آیغیٛتلیٛ أدیم). آدَملار ایچلِرینی چِکیپ، آغیٛزلاریٛنیٛ آچدیٛلار (ب. سِیتأک، قیز سالغیٛدیٛ)؛2 ) اوْرازادا آغشاملیٛق اِدینمِک. آغیٛز آچیٛپ بیلمِزلیکagyz açyp bilmezlik - قوْرقیٛنگا گِپلأپ بیلمِزلیک، جیٛنگقیٛنگیٛ چیٛقاریٛپ بیلمِزلیک. غَرَض، ایندی سیزینگ یانیٛنگیٛزدا مِن آغزیٛمیٛ آچمالیٛ دأل-دأ (ب. کِربابا، آیغیٛتلیٛ أدیم).آغزیٛ بیلِن آققوُش آلماقagzy bilen ak guş almak- اوْتوُران یِرینگدِن همّه زادیٛ آنگسات اِتمِک، بیر ایشی یِرینه یِتیرمِک بارادا اؤنگۆندِن یِرلیکسیز گۆپلهمک. اوْنیٛ گِپلِتسِنگ، آغزیٛ بیلِن آققوُش آلیار.آغیٛز بیریکدیرمِکagyz birikdirmek-آغزآلالیٛغیٛ تاشلاماق، بیری-بیرینگه قوُلاق سالماق، بیر مَقصَد توُتماق؛ دیل دۆوۆشمِک، دیللِشمِک، دوْستلاشماق.سیزینگ هِم آغیٛز بیریکدیریپ، اِمیره قارشیٛ گؤرِشمهگینگیز گِرِک ("سوْوِت اِدِبیاتیٛ” ژوُرنالیٛ). آغیٛز دِنگِشدیرمِکagyz deňeşdirmek- بیری بیلِن دِنگ ساناشماق، بیری بیلِن سِنه-مِنه اِدیشیپ دوُرماق. سنینگ یالیٛ نأکِس، بینامیٛسلار بیلِن آغزیٛمیٛ دِنگِشدیریپ اوْتوُرماغاهِم مِن نامیٛس اِدیأرین! - دیییپ، یِللی حمله اوُردیٛ (آ. قوْوشوُت، کؤپِتداغیٛنگ اِتِگینده).آغیٛز دوْلدوُریٛپ آیتماقagyz dolduryp aýtmak- اؤونۆپ گۆرلهمک، اوُلالدیٛپ گۆررۆنگ اِتمِک. بوُ یِرده بیزینگ آغیٛز دوْلدوُریٛپ آیدار یالیٛشِیله بیر اوُلیٛخِذمَتیٛمیٛز یوْق - لا!("سوْوِت اِدِبیاتیٛ” ژوُرنالیٛ).آغیٛز کِپهمِکagyz kepemek- سوُوساماق، سوُوسوُزلیٛقدان دوْدوْقلاریٛنگ قوُراماق. اوُزاق یوْلدان گِلِنلِرینگ آغیٛزلاریٛ کِپأپ گیدیپدیر.آغیٛز سالماقagyz salmak - دیشلهمک، یارماق. آلا قانجیٛق اوْق یالیٛ زابیٛرداپ گِلدی-ده، یابیٛنیٛنگ قوُیروُغیٛندان قابیٛر-قوُبوُر اِدیپ آغیٛز سالدیٛ (آ. دوُردی، سایلانان اثرلِر).آغیٛز سوُوارماقagyz suwarmak- اییمیته اِمِنیپ یوُودوُنماق، قوُلتوُنماق. آلمانیٛ گؤرِن بادیٛنا، اوْغلانیٛنگ آغزیٛ سوُواردیٛ.آغیٛز سوُویٛagyz suwy - ایچیملیک سوُو، ایچیلیأن سوُو. آغیٛز سۆیجِتمِکagyz süýjetmek - سۆیجی زات دادیٛرماق، تامشاندیٛرماق. آغیٛز تاناتماقagyz tanatmak- قوْووُلیٛق یا-دا اِربِتلیک تایدان اؤزۆنگی بِللی اِتمِک، کیمدیگینگی بیلدیرمِک. اوْل اِیّأم آغزیٛنیٛ تانادیٛپدیٛر.آغیٛز اوُرماقagyz urmak- ایییپ، دادیٛپ قالماق؛ دیشلهمک. آغیٛز یاغلاماقagyz ýaglamak- بیدِرِک، عَمَلا آشماجاق سؤز آیتماق. آغیٛز یارماقagyz ýarmak- بیر گۆررۆنگی آیتماق، گۆررۆنگ اِدیپ بِرمِک. آرتیٛغیٛنگ بوُغدای ایچیندأکی باشیٛندان گِچِن اوْیلار یادیٛنا دۆشۆپ، آغزیٛنیٛ یارماغا دیلی بارمادیٛ (ب. کِربابا، آیغیٛتلیٛ أدیم). سِن، قیرناق، اِشیتمهدیم دییمه، موُندان سوْنگ بیر یِرده آغزیٛنگیٛ یارایسانگ، دِمینگ بیلِن حَسابلاشمالیٛ بوْلارسیٛنگ ("سوْوِت اِدِبیاتیٛ” ژوُرنالیٛ).آغیٛزدا بوْلماقagyzda bolmak- ایل آراسیٛندا گۆررۆنگینگ اِدیلمِک، آدیٛنگ چیٛقماق. آیاقدا بوْلاندان، آغیٛزدا بوْل (ناقیٛل).آغیٛزدا آش قاتیٛقلاماقagyzda aş gatyklamak-سِر. آش. آغیٛزدان سیٛپدیٛرماقagyzdan sypdyrmak - سیٛر آچماق، سیٛر بیلدیرمِک. بیلیپسینگ، اِجه! - دیییپ، خانگِلدی بیردِن آغزیٛندان سیٛپدیٛرانیٛنیٛ دوُیمان قالدیٛ ("سوْوِت اِدِبیاتیٛ” ژوُرنالیٛ).بیر آغزا باقماقbir agza bakmak- دینگه بیر آدَمیٛنگ یوْلباشچیٛلیٛغیٛندا بوْلماق، شوْنوُنگ آیدانیٛنیٛ اِتمِک. بیر-ایکی آغیٛز سؤزbir-iki agyz söz-سِر. سؤز. مِن سانگا بیر-ایکی آغیٛز سؤز آیتماغا گِلدیم.جۆپدِک آغیٛزjüpdek agyz-آغزیٛکیچیجیک. یۆرِگی آغزیٛندان چیٛقماقýüregi agzyndan çykmak-سِر. یۆرِک. یۆرِگیم آغزیٛمدان چیٛقیٛپ باریار .سؤزۆنگ آغزیٛنگداsözüň agzyňda-سِر. سؤز.